المطبخ النوبي والمطبخ العصري

تحية طيبة وبعد
مقارنة بين المطبخ النوبي زمان بقدر البساطة وقلة الامكانيات الاان الاكل كان له مذاق خاص وطبعا اشهر اكلاتنا هي الجكود وياحلاوته وطعامته وجماله مع البيض المقلي فى الطاجن المعمول على الحطب تاكل صوابعك وراه بالهنا والشفا
مش هو ده الموضوع
ولكن الموضوع ان هناك كانت اكلات نوبية شعبية ومشهورة اصبح لها مقابل فى المطبخ العصري زي ايه اقولك
البيتزا فى العصر الحالي يقابلها فى مطبخنا النوبي القديم تومن داريد إذا اتعملت بالبصل والخضرة من الداخل
وطاجن جورس لو اتعمل بالسكر واتغمز فى العسل والقشطة
الكريم كرمل هو العصيدة بتاعتنا بتاعة زمان
الكاستر هو الكرم مديد بضم الكاف
واللبن الزبادى هو الاتشى كريد بتاعنا زمان
وام على هي الاكلة الشهيرة يقابلها فى المطبخ النوبي اتشى فتيد فتة اللبن بالعيش الغير مملح
دى الجاجات اللي انا فاكره وارجوا ان تكون هناك دعوة للتأمل والمناقشة